31.10.2026 | 13:56
Հայաստանից՝ Էկվադոր. COP18-ը հյուրընկալող երկիրն ընտրված է
Բաքվում անցկացվում է Եվրասիական տնտեսական ֆորումը՝ ՌԴ փոխվարչապետ Օվերչուկի և ռուս այլ պաշտոնյաների մասնակցությամբ
Քաղաքականություն
27.10.2022 | 16:45
Բաքվում այսօր աշխատանքն է սկսել Վերոնայի 15-րդ Եվրասիական տնտեսական համաժողովը, գրում են ադրբեջանական լրատվամիջոցները։
Երկօրյա միջոցառումն անցկացվում է դեմ առ դեմ ձևաչափով, դրան մասնակցում են քաղաքական գործիչներ և բիզնեսի ներկայացուցիչներ։
Ֆորումին մասնակցում է ՌԴ-ից բավական ներկայացուցչական պատվիրակություն, մասնավորապես, ՌԴ փոխվարչապետ Ալեքսեյ Օվերչուկը, տնտեսական զարգացման հարցերի նախարար Մաքսիմ Ռեշետնիկովը, «Ռոսնեֆտ»-ի ղեկավար Իգոր Սեչինը, «ՎՏԲ» բանկի նախագահ Անդրեյ Կոստինը, «Նովատեկի» ղեկավար Լեոնիդ Միխելսոնը, «Ինտեզա» բանկի ղեկավար Անտոնիո Ֆալիկոն և այլ ընկերությունների ու ֆինանսական կազմակերպությունների ներկայացուցիչներ։
Ադրբեջանական կողմից համաժողովին մասնակցում են փոխվարչապետ Շահին Մուստաֆաևը, էներգետիկայի և էկոնոմիկայի նախարարներ Փարզվիզ Շահբազովն ու Միքայիլ Ջաբբարովը, այլ պաշտոնյաներ։
Ֆորումի մասնակիցները քննարկելու են փոխադարձ տնտեսական համագործակցության, տրանսպորտային և տնտեսական հարցեր, ինչպես նաև երկրների առջև ծառացած մարտահրավերները, գլոբալ խնդիրները և կլիմայի փոփոխությունը, «կանաչ» տեխնոլոգիաների և թվայնացման դերը դրանց լուծման գործում: Բացի այդ, նախատեսվում է հատուկ նիստ՝ «Ադրբեջանը եվրասիական տնտեսական համագործակցության խոշոր հանգույց և ԵՏՄ-ի հետ հարաբերություններում նրա հեռանկարները» խորագրով։
Էմմա Չոբանյան
