21.04.2026 | 10:19
Երևանի ավագանու նիստը՝ ՈՒՂԻՂ
Բայրամովը Բաքվում ԵՄ երկրների դեսպանների հետ հանդիպմանը բողոքել է Հայաստանից
Քաղաքականություն
27.10.2022 | 17:41
Ադրբեջանի ԱԳ նախարար Ջեյհուն Բայրամովը Բաքվում ԵՄ անդամ երկրների դիվանագիտական ներկայացուցչությունների ղեկավարների հետ հանդիպմանը քննարկել է համագործակցությունը քաղաքական, տնտեսական, էներգետիկ, ներդրումային ու կրթական ոլորտներում, ինչպես նաև իրավիճակը Հարավային Կովկասում, գրում են ադրբեջանական լրատվամիջոցները։
Բայրամովը խոսել է Ադրբեջանի դերակատարումից Եվրոպայի էներգետիկ անվտանգության ապահովման գործում։ Նաև նշել է, որ Արցախի գրավյալ տարածքներն էներգետիկ առումով մեծ ներուժ ունեն։
Նա նաև դեսպանների հետ խոսել է Ադրբեջանի դերակատարումից «Արևելք-Արևմուտք» միջազգային տրանսպորտային միջանցքում։ Բայրամովը կրկին խոսել է գոյություն չունեցող «Զանգեզուրի միջանցքից», ըստ երևույթին, հիմա էլ փորձելով այն այլ փաթեթավորմամբ ներկայացնել ԵՄ-ին։ Ադրբեջանի ԱԳ նախարարն ասել է, որ Բաքուն, իբր, քայլեր է ձեռնարկում տարածաշրջանում հաղորդակցությունների բացման համար, այդ թվում՝ գոյություն չունեցող միջանցքի, և բախվում է «Հայաստանի ապակառուցողական դիրքորոշմանը»։
Բայրամովը, սակայն, մոռացել է նշել, որ մի քանի օր առաջ Ադրբեջանի ԱԳՆ-ն ևս մեկ անգամ մերժել էր Հայաստանի առաջարկը տարածաշրջանային հաղորդակցությունների բացման վերաբերյալ։
Էմմա Չոբանյան
