18.08.2026 | 14:57
Անձնական տվյալների պաշտպանության գործակալությունը հորդորում է չտարածել Երևանում հայտնաբերված նորածնի դեմքը
Կրեմլը փորձում է շեղել քննադատությունը կենտրոնական ղեկավարությունից․ բրիտանական հետախուզություն
Քաղաքականություն
27.10.2022 | 22:45
Մեծ Բրիտանիայի Պաշտպանության նախարարությունն ուկրաինական պատերազմի վերաբերյալ իր այօրվա ամփոփագրում նշում է, որ Ուկրաինայում ձախողումների ֆոնին Կրեմլը միջոցներ է ձեռնարկում՝ ուղղված բնակչության քննադատությունը երկրի կենտրոնական իշխանությունից շեղելուն, գրում է BBC-ի ռուսական ծառայությունը։
Մասնավորապես, 2022 թվականի հոկտեմբերի 24-ին ՌԴ վարչապետ Միխայիլ Միշուսինը հայտարարել էր, որ Մոսկվայի քաղաքապետ Սերգեյ Սոբյանինը համակարգելու է երկրի շրջաններում «անվտանգության միջոցառումների մշակումը»։
«Այս քայլը, հավանաբար, կմոտեցնի նահանգապետերին Ռուսաստանի կենտրոնական ազգային անվտանգության համակարգին: Սա ևս մեկ կազմակերպչական միջոց է այն դժվարությունների պայմաններում, որոնք Ռուսաստանն ապրում է Ուկրաինայի դեմ պատերազմում։ Դատելով ամենից՝ տարածաշրջանների պաշտոնյաների ավելի ակտիվ ներգրավվածությունը կոչված է շեղելու հանրային քննադատությունը երկրի կենտրոնական ղեկավարության գործողություններից»,- ասվում է ամփոփագրում։
Նշվում է նաև, որ Կրեմլը նման մոտեցում էր դրսևորում Covid-19-ի համավարակի ժամանակ։
Էմմա Չոբանյան
