16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Լիտվայում դեմ են արտահայտվել Ուկրաինային հաուբիցներ և հակաօդային պաշտպանության համակարգեր մատակարարելուն
Քաղաքականություն
26.10.2022 | 19:53
Լիտվան չի կարող Ուկրաինային փոխանցել PzH 2000 հաուբիցներ և NASAMS զենիթահրթիռային համակարգեր, քանի որ դրանք հենց իրեն են անհրաժեշտ։ Այս մասին հայտնել է Լիտվայի զինված ուժերի հրամանատար Վալդեմարաս Ռուպշիսը, հայտնում է BNS-ը, որին վկայակոչում է Korrespondent-ը։
Բարձրաստիճան զինվորականը նշել է, որ Լիտվայի Ազգային անվտանգության խորհրդի նիստին կառաջարկի Ուկրաինային չփոխանցել այդ սպառազինությունը։
«Ես պետք է գործիքներ ունենամ։ Մենք չենք կարող խնդիրներ կատարել՝ չունենալով դրա համար հնարավորություն։ Այն հնարավորությունները, որոնք մենք ունենք, եզրին են գտնվում, երբ մենք արդեն չենք կարող մերկանալ»,- ասել է նա։
Ռուպշիսը կարծում է, որ իր երկիրը պետք է այլ ուղիներ փնտրի Ուկրաինային աջակցելու համար։ Լիտվան կարող է զենք փոխանցել ուկրաինացիներին, եթե մոտ ապագայում նոր զենք գնի՝ գոյություն ունեցողին փոխարինելու համար։
Նշենք, որ Լիտվան կանոնավոր կերպով աջակցում է Ուկրաինայի զինված ուժերին։ Ուկրաինացի զինվորականները ստացել են տասնյակ M113 զրահափոխադրիչներ, 105 մմ հաուբիցներ, ականանետեր, անօդաչու թռչող սարքեր և հազարավոր ձմեռային համազգեստներ։
Տաթև Ֆռանգյան
