09.09.2026 | 21:35
Մեկնարկել է Փաշինյանի և Մակրոնի հանդիպումը
ԼՂ-ի և Ադրբեջանի միջև միջազգայնորեն տեսանելի երկխոսություն պիտի սկսվի․ Փաշինյան․ ՏԵՍԱՆՅՈՒԹ
Տեսանյութեր
26.10.2022 | 18:18
“Կցանկանամ, որ խաղաղության պայմանագիրը կնքվի մինչև այս տարեվերջ։ Ես և կառավարությունը բոլոր հնարավոր ջանքերը կգործադրենք, որ դա լինի իրատեսական»,- այս մասին ԱԺ-Կառավարություն հարցուպատասխանի ընթացքում հայտնեց ՀՀ վարչապետ Նիկոլ Փաշինյանը:
«Կառավարությունը հույս ունի, որ մինչև խաղաղության պայմանագրի ստորագրումը ավարտված լինեն դելիմիտացիայի աշխատանքները: Ինչքանով է դա իրատեսական։ Եթե հաշվի առնենք, որ Պրահայում մենք պայմանավորվածություն ենք ձեռք բերել, որ դա տեղի է ունենալու 1991 թվականի սահմանների հիման վրա, դա կարող է լինել իրատեսական, քանի որ այդ սահմանները հայտնի են»,- նշեց Փաշինյանը:
Վարչապետը կարևորեց նաև այն հանգամանքը, որ պետք է միջազգայնորեն տեսանելի երկխոսություն սկսվի ԼՂ-ի և Ադրբեջանի միջև: «Լեռնային Ղարաբաղի հայության իրավունքների և անվտանգության պաշտպանության որոշակի տեսանելի մեխանիզմներ պետք է լինի: Շատ լավ կլինի, ու շատ գոհ կլինեմ, եթե կարողանանք դա անել»,- ասաց Փաշինյանը:
Անդրադառնալով «Քաղաքացիական պայմանագիր» խմբակցության պատգամավոր Լուսինեն Բադալյանի դիտարկմանը, որ լրագրողները հաճախ հարց են ուղղում, թե որքանով է խաղաղության պայմանագիրը նշանակում բարեկամություն թշնամիների հետ, Փաշինյանը նշեց. «Թշնամանքը և ընդհանրապես իրավիճակը պետք է կառավարվի, որովհետև երբ դա կառավարելի չէ, իր հետ կարող է միայն վնաս բերել»:
Մանրամասները՝ տեսանյութում։
