15.12.2024 | 10:40
Վրաստանի կողմից Բավրայի անցակետը փակ է կցորդիչով բեռնատարների համար
ՌԴ-ի և Ուկրաինայի միջև գերիների հերթական փոխանակումն է տեղի ունեցել
Քաղաքականություն
26.10.2022 | 18:35
Ուկրաինան գերությունից վերադարձրել է ևս 10 զինվորականի, փոխանցվել է նաև Կիևի համար կռված ամերիկացի կամավորի դին։ Այս մասին հայտնում է ՌԲԿ Ուկրաինան՝ հղում անելով Ուկրաինայի նախագահի աշխատակազմի ղեկավար Անդրեյ Երմակի հայտարարությանը։
«Մերոնք տանն են։ Գերիների հերթական փոխանակումն ենք անցկացրել։ Հաջողվել է տուն վերադարձնել 10 ուկրաինացի զինծառայողի։ Նրանց թվում է մեկ սպա, 9 շարքայիններ ու սերժանտներ»,- ասել է նա։
Երմակի խոսքով՝ փոխանցվել է նաև ամերիկացի կամավոր, ԱՄՆ բանակի վետերան Ջոշուա Ալան Ջոնսի մարմինը, որը կռվել է Ուկրաինայի համար և զոհվել մարտերում։
Ըստ Ռազմագերիների հարցերով համակարգող շտաբի՝ ազատ արձակված զինվորականները ծառայում են, մասնավորապես, 60-րդ, 57-րդ, 28-րդ բրիգադներում և տարբեր զորամասերում։ Ազատ արձակված ամենատարեց մարտիկը 55 տարեկան է, իսկ ամենակրտսերը՝ 21 տարեկան։
Էմմա Չոբանյան
