23.05.2026 | 12:52
Ցմահ դատապարտյալ Արթուր Քոչարյանն ազատ է արձակվել
Ո՞վ կարող է գնահատական տալ՝ խղճի բանտարկյալ է, թե՝ ոչ. դրա մասնագիտացված կառույցը Հայաստանում չկա․ Արտակ Զեյնալյան. ՏԵՍԱՆՅՈՒԹ
Քաղաքականություն
01.06.2018 | 17:53
«Արդարադատության նախարարությունը արդար դատաքննության հետ ուղղակի առնչություն չունի, իհարկե պետք է ապահովել անձանց արդար դատաքննության իրավունքը»,- այսօր պատասխանելով Ժիրայր Սեֆիլյանի և նրա ընկերների գործով այս օրերին ընթացող դատական նիստերի մասին լրագրողների հարցին՝ այսօր ԱԺ-ում ասաց արդարադատության նախարար Արտակ Զեյնալյանը։
Լրագրողների հաջորդ հարցին՝ «Սասնա ծռերի» անդամներից վերջին օրերին գրավի դիմաց մի քանի հոգի ազատ արձակվեցին, նրանք քաղբանտարկյալներ էին, թե ոչ, նախարարը պատասխանեց․«Քաղբանտարկյալ լինել-չլինեու վերաբերյալ պետք է հետևել մասնագիտացված կառույցների գնահատականներին։ Օգտագործվում է խղճի բանտարկյալ եզրույթը։ Ով կարող է գնահատական տալ՝ խղճի բանտարկյալ է, թե ոչ։ Դրա մասնագիտացված կառույցը Հայաստանում չկա, կան հասարակական կազմակերպություններ, որոնք բավականին հեղինակավոր են և տալիս են իրենց դիրքորոշումը։ Սակայն դա խորհրդատվական բնույթի է, և որպեսզի անձինք վերականգնեն իրենց խախտված իրավունքները, կա օրինական ընթացակարգ, որն ապահովում է կարևոր իրավական սկզբունքներ»։
Մանրամասները՝ տեսանյութում
