27.07.2026 | 14:20
ԱԱ-2028. Հայտնի է ֆուտզալի Հայաստանի հավաքականի խաղացանկը
Mercedes-Benz-ը լքում է Ռուսաստանը
Քաղաքականություն
26.10.2022 | 17:33
Գերմանական «Mercedes-Benz»-ի ռուսական դուստր ձեռնարկությունը վաճառել է մեքենաների հավաքման իր գործարանը «Ավտոդոմին» և դուրս եկել ռուսական շուկայից։ Այս մասին հայտնում են «Կոմերսանտն» ու «Վեդոմոստին»՝ վկայակոչելով իրենց աղբյուրներին, գրում է Meduza-ն։
«Կոմերսանտ»-ի հետ զրուցած փորձագետները դժվարացել են գործարքը գնահատել՝ «հաշվի առնելով ավտոմեքենաների շուկայում առկա իրավիճակը, երբ ակտիվները վաճառվում են մեկ ռուբլով»: Mercedes-ը, 2021թ․ վերջին Ռուսաստանում իր ակտիվները գնահատել է երկու միլիարդ եվրո։
«Վեդոմոստիի» զրուցակիցները չեն բացառել, որ գործարքը կարող է ենթադրել տարբերակ, ըստ որի՝ Mercedes-Benz AG-ն որոշակի ժամկետում կկարողանա վերադառնալ Մոսկվայի մարզում գտնվող գործարանի սեփականությանը։
Գերմանական այս ընկերությունը արդեն երրորդ խոշոր արտասահմանյան ավտոարտադրողը, որը լքում է Ռուսաստանը։
Ավելի վաղ Renault-ն ու Nissan-ը ևս լքել էին ռուսական շուկան։
Էմմա Չոբանյան
