31.10.2026 | 22:55
Հայտնաբերվել է զինծառայողի դի. ՊՆ
Մարգարիտա Սիմոնյանի մուտքը ՀՀ արգելվել է
Քաղաքականություն
26.10.2022 | 10:25
«Ռուսաստանն այսօր» մեդիա-խմբի RT հեռուստաալիքի գլխավոր խմբագիր Մարգարիտա Սիմոնյանի մուտքը Հայաստանի հանրապետություն արգելվել է, այս մասին թվիթերյան էջում հայտնել է ինքը՝ Սիմոնյանը։
«Կոնստանտին Զատուլինին, որը երկար տարիներ եռանդուն աջակցում է Հայաստանին, Հայաստանի ներկայիս պետն արգելել է մտնել Հայաստան։ Ինձ, ի դեպ, նույնպես»,- գրել է Մարգարիտա Սիմոնյանը։
Հիշեցնենք՝ ԱՊՀ գործերի կոմիտեի նախագահի առաջին տեղակալ Կոնստանտին Զատուլինի՝ ՀՀ մուտքի արգելքի մասին հայտնի էր դարձել երեկ՝ հոկտեմբերի 25-ին։ Ազգային ժողովի աշխատակազմի արտաքին կապերի վարչության պետ Տիգրան Սեյրանյանը ԱԺ ղեկավարության անունից գրություն էր ուղարկել Զատուլինին, որում նշվում է, որ Հայաստանի Հանրապետության հասցեին նրա վերջին հրապարակային հայտարարությունները վնասում են երկու պետությունների միջև բարեկամական և դաշնակցային հարաբերությունների զարգացմանը։ Զատուլինը «Տելեգրամ»-ի իր էջում արձագանքել էր ԱԺ կողմից ուղարկված նամակին՝ դա համարելով վիրավորական քայլ:
