09.10.2026 | 15:35
Երևանում սպասվում են կարճատև անձրևներ
Ադրբեջանի ԱԳՆ-ն միջազգային հանրությանը կոչ է արել ճնշել Հայաստանին՝ ականների խնդիրը լուծելու համար
Քաղաքականություն
25.10.2022 | 17:35
Ադրբեջանի ԱԳՆ-ն այսօր հերթական ստահոդ հայտարարությունն է տարածել։ Մասնավորապես, Բաքուն կոչ է անում միջազգային հանրությանը Հայաստանի վրա ճնշում գործադրել՝ ականների խնդիրը լուծելու համար։
«Անհրաժեշտ է ճնշում գործադրել Հայաստանի վրա, որպեսզի նա կատարի իր պարտավորությունները եռակողմ հայտարարության և միջազգային իրավունքի շրջանակներում, դադարեցնի գործողությունները, որոնք խաթարում են Ադրբեջանի ինքնիշխանությունն ու տարածքային ամբողջականությունը, վերջնականապես դուրս բերի իր Զինված ուժերը Ադրբեջանի տարածքից, դադարեցնի Ադրբեջանի տարածքում ականների տեղադրումը, համագործակցի ականազերծման աշխատանքներում և տրամադրի ականապատ տարածքների ճշգրիտ քարտեզը»,- ասվում է հայտարարության մեջ։
Զարմանալիորեն Բաքուն խոսում է եռակողմ հայտարարության կատարումից, թեպետ շարունակում է չկատարել իր իսկ ստանձնած պարտավորությունները։ Ի դեպ, եռակողմ հայտարարությամբ Հայաստանը որևէ պարտավորություն չուներ, սակայն մարդասիրական մղումներից ելնելով՝ տրամադրել է ականապատ տարածքների բոլոր քարտեզները։
Բացի այդ, Հայաստանը որևէ երկրի տարածքում չունի Զինված ուժեր, այդ թվում՝ Ադրբեջանում, առավել ևս այնտեղ ականապատմամբ չի զբաղվում։
Ադրբեջանի ԱԳՆ-ն նաև նշում է, թե Հայաստանը, իբր, չարաշահում է Լաչինի միջանցքի օգտագործումն ու այնտեղով հակատանկային ականներ է տեղափոխում։
Էմմա Չոբանյան
