09.10.2026 | 09:34
Փաշինյանն ու Փեզեշքիանը քննարկել են Հայաստան–Իրան հարաբերությունների զարգացումն ու նոր ծրագրերը
Բերման է ենթարկվել Զարուհի Փոստանջյանը
Հասարակություն
24.10.2022 | 14:48
Մոտ մեկ ժամ առաջ Հակակոռուպցիոն կոմիտեի շենքի մոտից ոստիկանությունը բերման է ենթարկել ընդդիմադիր քաղաքական գործիչ Զարուհի Փոստանջյանը։ Factor.am-ի հետ զրույցում նախկին պատգամավորը պնդեց, որ ուղղակի անցնում էր Վաղարշյան փողոցով, երբ այնտեղ ոստիկանական մեծ կուտակումներ է տեսել.
«Իմ ամենօրյա ճանապարհն է, հայրական տանից գնում էի դեպի իմ տուն, երբ շատ ոստիկաններ տեսա։ Քանի որ Կոմիտեի տարածքը փակել էին, մոտեցա, որ հասկանամ պատճառը, բայց ոստիկաններից մեկն ինձ փողոցն անցկացրեց, ապա, երբ ուզում էի հարց տայի, բերման ենթարկեցին։ Ձեռքիս մեծ պայուսակ կար՝ համակարգիչ և այլ իրեր էին, երևի մտածել էին վտանգավոր բան կա. վախի մթնոլորտի մեջ են»,- նշեց Փոստանջյանը, որը բացատրագիր գրելուց հետո՝ ազատ է արձակվել։
Ոստիկանության հասարակայնության հետ կապերի վարչությունից Factor.am-ին տեղեկացրին, որ Փոստանջյանը բերման է ենթարկվել ՎԻՎ օրենսգրքի 182-րդ հոդվածի հատկանիշներով, այն է` ոստիկանության ծառայողի օրինական պահանջը չկատարելը:
Ռոզա Վարդանյան
