06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Մեր հասարակությունն իրականում չի ուզում կրթվել․ ապաքաղաքական զրույց Նունե Սարգսյանի հետ. ՏԵՍԱՆՅՈՒԹ
Հաղորդաշարեր
22.10.2022 | 21:02
Factor TV-ի A-politic հաղորդաշարի հյուրն է «Մեդիա նախաձեռնությունների կենտրոնի» գործադիր տնօրեն Նունե Սարգսյանը: Նրա կարծիքով՝ «մեդիա» հասկացությունը պետք է մեկնաբանել հնարավորինս լայնորեն՝ ոչ միայն լրատվամիջոցներ, այլև սոցցանցեր, թանգարաններ, արտաքին գովազդ և այլն: Ո՞րն է այս իրավիճակում լրատվամիջոցների և լրագրողների դերը: Ըստ հաղորդման հյուրի՝ ԶԼՄ-ների առաքելությունն է գտնել և տարածել պատմություններ՝ ղեկավարվելով որոշակի էթիկական և մասնագիտական ստանդարտներով:
«Մեդիա նախաձեռնությունների կենտրոնի» ղեկավարի համոզմամբ՝ լրատվամիջոցները մի կողմից ծառայություն են մատուցում, բայց մյուս կողմից՝ դա անում են որոշակի արժեքներ փոխանցելու նպատակով: Այդ առաքելությունը հաջող կատարելու նպատակով լրագրողները և խմբագիրները պարտավոր են շփման մեջ մտնել իրենց ընթերցողների, օգտատերերի հետ: Այդ շփումները կարող են լինել ֆիզիկական և վիրտուալ, անհատական և խմբային:
Սոցցանցերը, անշուշտ, իրենց էական ազդեցությունն են թողնում լրատվամիջոցների աշխատանքի վրա: Ալգորիթմները շատ դեպքերում թելադրում են օգտատերերի ընտրությունը: Սակայն, ըստ Նունե Սարգսյանի, ալգորիթմներին նույնպես հնարավոր է խաբել: Բոլոր դեպքերում՝ լրագրողները պետք է փնտրեն ինքնարտահայտվելու նոր հարթակներ՝ դրանով իսկ ավելի արժեքավոր ու պրոֆեսիոնալ դարձնելով այդ հարթակները:
Մանրամասները՝ տեսանյութում:
Արամ Աբրահամյան
