09.10.2026 | 15:35
Երևանում սպասվում են կարճատև անձրևներ
«Հորովել» երգի-պարի անսամբլը 50-րդ հոբելյանական համերգաշրջանն ազդարարել է Գյումրիում
Մշակույթ
22.10.2022 | 14:22
Վանաձորի «Հորովել» երգի-պարի անսամբլը 50-րդ հոբելյանական համերգաշրջանն ազդարարել է Գյումրու Վ․Աճեմյանի անվան պետական դրամատիկական թատրոնում:
«Արմենպրես»-ի հաղորդմամբ՝ անսամբլի կեսդարյա պատմությունն ամփոփում է հայ ժողովրդական երգի և պարի յուրօրինակ բեմական մշակումներ, որոնք տաղանդավոր արտիստների արդեն մի քանի սերունդ մեծ նվիրումով ներկայացնում է իր հանդիսատեսին ինչպես Հայաստանում, այնպես էլ երկրի սահմաններից դուրս։
Գյումրեցի հանդիսատեսի դատին ներկայացվել են անսամբլի վերջին տարիների նոր պարային բեմադրություններ, աշուղական և գուսանական երգի նոր կատարումներ։
Համերգի վերջում ողջույնի խոսքով հանդես է եկել Գյումրիի քաղաքապետարանի մշակույթի բաժնի պետ Լիլիթ Թովմասյանը, որը Գյումրու քաղաքապետի անունից անսամբլին հանձնել է շնորհակալագիր, իսկ Հայաստանի ազգային պարարվեստի Գյումրիի բաժանմունքի ղեկավար, ՀՀ մշակույթի վաստակավոր գործիչ Սամվել Գասպարայանն անսամբլին պարգևատրել է «Աղասի Շաբոյան-100» հուշամեդալով:
Առաջիկայում անսամբլը մենահամերգով հանդես կգա Վանաձորում, իսկ նոյեմբերի 17-ին հոբելյանական համերգաշարը կամփոփվի Երևանում՝ Ալ․Սպենդիարյանի անվան օպերայի և բալետի ազգային ակադեմիական թատրոնում։
