09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
Առաջարկվում է պահպանել վերապատրաստման ընթացքում բուժաշխատողների աշխատավարձը․ նախագիծը հետաձգվեց․ Կառավարությունը առարկություններ ունի․ ՏԵՍԱՆՅՈՒԹ
Հասարակություն
21.10.2022 | 15:41
ԱԺ Առողջապահության հարցերի մշտական հանձնաժողովը հոկտեմբերի 21-ի նիստում երկրորդ ընթերցմամբ քննարկվում է ԱԺ «Քաղաքացիական պայմանագիր» խմբակցության պատգամավորներ Նարեկ Զեյնալյանի և Լուսինե Բադալյանի հեղինակած ««Բնակչության բժշկական օգնության և սպասարկման մասին» օրենքում լրացում կատարելու մասին» օրենքի նախագիծը:
Առաջարկվում է օրենքի 33-րդ հոդվածը լրացնել նոր` 2.1 մասով. «Շարունակական մասնագիտական զարգացման գործընթացն իրականացնելու` սույն հոդվածի 4-րդ մասի 1-ին և 2-րդ կետերով նախատեսված նվազագույն անհրաժեշտ կրեդիտների ապահովման ժամանակահատվածում պահպանվում են բուժաշխատողի` պայմանագրով կամ աշխատանքի ընդունման մասին անհատական իրավական ակտով սահմանված աշխատատեղը, ինչպես նաև հիմնական աշխատավարձը»:
Ամբողջությամբ ընդունվելուց հետո օրենքն ուժի մեջ կմտնի 2023 թ. հունվարի 1-ից: Կառավարությունը ներկայացրել էր երկու առաջարկ, որոնք հեղինակները չեն ընդունել: Քանի որ Կառավարությունն առարկություններ ունի, նախագծի վերաբերյալ քվեարկությունը հետաձգվեց երկու ամսով: Նախագիծն անհրաժեշտության դեպքում հավելյալ կքննարկվի:
Մանրամասները՝ տեսանյութում։
