02.03.2026 | 17:02
Իրանի նախագահը պաշտպանության նախարարի պաշտոնակատար է նշանակել
Էրդողանը խոսել է Արցախի գրավյալ տարածքներ կատարած այցից և Հայաստանի հետ հարաբերություններից
Քաղաքականություն
21.10.2022 | 14:19
Թուրքիայի նախագահ Ռեջեփ Թայիփ Էրդողանն Արցախի գրավյալ տարածքներից վերադառնալիս լրագրողների հետ զրույցում նշել է, որ այցը հաջողված էր, գրում է Անադոլու գործակալությունը։
Նա պատմել է, որ իր «սիրելի եղբոր՝ Ադրբեջանի նախագահ Իլհամ Ալիևի հետ մասնակցել են Կովսականի օդանավակայանի բացմանը, որն ունի կարևոր ռազմավարական դիրք»։ Էրդողանը նշել է, որ տարածաշրջանի և մնացյալ աշխարհի միջև կապի վերականգնումը, տրանսպորտային ուղիների ամրապնդումը ռազմավարական քայլեր են։
Ըստ Էրդողանի՝ այցի ընթացքում Իլհամ Ալիևի հետ քննարկել է երկկողմ կապերը, իրավիճակը տարածաշրջանում և աշխարհում։
«Մեր ընդհանուր տեսլականը հիմնված է Հարավային Կովկասում խաղաղության, կայունության և զարգացման վրա։ Սահմանների դեմարկացիան, Նախիջևանի և Ադրբեջանի արևմտյան շրջանների միջև հաղորդակցության բացումը և Հայաստանի հետ խաղաղության համաձայնագրի ստորագրումը կարևոր քայլեր կլինեն, որոնք կնպաստեն տարածաշրջանում իրավիճակի կարգավորմանը»,- ասել է Էրդողանը։
Նա հույս է հայտնել, որ Հայաստանը, իբր, կօգտվի այդ պատմական հնարավորությունից։ Էրդողանի խոսքով՝ Հայաստանի ու Ադրբեջանի միջև բանակցությունների առաջընթացն անկասկած դրական կազդի Անկարայի ու Երևանի միջև։
Էրդողանը նաև հիշեցրել է, որ Թուրքիան Արցախի գրավյալ Շուշիում պատրաստվում է գլխավոր հյուպատոսություն բացել։
Էմմա Չոբանյան
