03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Մոսկվայի դատարանը հեռակա կարգով կալանավորել է Մարինա Օվսյաննիկովային
Քաղաքականություն
21.10.2022 | 11:37
Ռուսական «Առաջին ալիքի» նախկին խմբագիր Մարինա Օվսյաննիկովան, որ մեղադրվում է ռուսական բանակի մասին «կեղծ լուրեր» տարածելու մեջ, հետաքննության պահանջով հեռակա կարգով ձերբակալվել է Մոսկվայի Բասմանի դատարանի կողմից։
«Օվսյաննիկովայի նկատմամբ դատարանը խափանման միջոց է ընտրել կալանքը՝ մեկ ամիս 29 օր ժամկետով»,-դատարանի որոշումն է մեջբերում DW-ի ռուսական ծառայությունը։
Նույն Բասմանի դատարանը հոկտեմբերի սկզբին մերժել էր Օվսյաննիկովայի խափանման միջոցը տնային կալանքից կալանքի փոխելու հետաքննության միջնորդությունը։
Հիշեցնենք, որ Օվսյաննիկովան բողոքի ակցիա էր անցկացրել «Առաջին ալիքի» եթերում՝ Ուկրաինայում պատերազմի դեմ ցուցանակը ձեռքին ուղիղ եթերի տաղավար ներխուժելով։ Օրեր առաջ նրա փաստաբանը հայտարարել էր, որ տնային կալանքի տակ գտնվող Օվսյաննիկովան այժմ գտնվում է ՌԴ սահմաններից դուրս՝ եվրոպական երկրի հովանու ներքո՝ չնշելով, թե կոնկրետ որ երկրի։
