08.06.2026 | 10:57
Ընտրատեղամասի հարակից տարածքում դանակահարության դեպքով վարույթ է նախաձեռնվել սպանության հոդվածով
Շարժայի ժառանգության ինստիտուտի նախագահի գլխավորած պատվիրակությունն այցելել է Մեծ եղեռնի հուշահամալիր
18.10.2022 | 14:37
ԿԳՄՍ նախարար Վահրամ Դումանյանի հրավերով պաշտոնական այցով Հայաստան ժամանած Շարժայի ժառանգության ինստիտուտի նախագահ, դոկտոր Աբդուլ Ազիզ Ալ-Մուսալլամի գլխավորած պատվիրակությունը հոկտեմբերի 18-ին այցելել է Հայոց ցեղասպանության հուշահամալիր՝ ԿԳՍՄ նախարարության Մշակութային ժառանգության և ժողովրդական արհեստների վարչության պետ Աստղիկ Մարաբյանի ուղեկցությամբ․ տեղեկացնում են գերատեսչությունից։
Հյուրերին ներկայացվել է Ծիծեռնակաբերդի տարածքում անցյալ դարավերջին Ադրբեջանի Սումգայիթ, Կիրովաբադ (Գանձակ), Բաքու քաղաքներում Ադրբեջանի կառավարության կազմակերպած կոտորածներին զոհ գնացած հայերի հիշատակին տեղադրված երեք խաչքարերի պատմությունը:
ԱՄԷ-ից ժամանած պատվիրակության անդամները ծաղիկներ են դրել անմար կրակի մոտ և մեկ րոպե լռությամբ հարգել Հայոց ցեղասպանության սրբադասված նահատակների հիշատակը:
Նրանք շրջել են նաև Հայոց ցեղասպանության թանգարանում, ծանոթացել մշտական և ժամանակավոր ցուցադրություններին:
Այցի ավարտին Աբդուլ Ազիզ Ալ-Մուսալլամը գրառում է կատարել Պատվավոր հյուրերի հուշամատյանում:
