21.04.2026 | 16:26
Ըմբշամարտի ԵԱ․ Աղաջանյանը և Տերտերյանը կիսաեզրափակիչում են, Գալստյանը, Գրիգորյանը և Խլոյանը պարտվեցին
ԱՄՆ-ը հայտարարել է, որ Իրանի կողմից ՌԴ-ին անօդաչուների մատակարարումը ՄԱԿ-ի ԱԽ բանաձևի խախտում է
Քաղաքականություն
18.10.2022 | 13:57
ԱՄՆ-ը համաձայն է Մեծ Բրիտանիայի և Ֆրանսիայի գնահատականներին, որ Իրանը, Ռուսաստանին անօդաչու թռչող սարքեր մատակարարելով, խախտել է ՄԱԿ-ի Անվտանգության խորհրդի բանաձևը, որը հավանություն է տվել Իրանի և վեց տերությունների միջև 2015 թվականի միջուկային համաձայնագրին։ Այս մասին հայտարարել է ԱՄՆ Պետքարտուղարության խոսնակ Վեդաթ Փաթելը, գրում է Reuters-ը։
«Այսօր ավելի վաղ մեր ֆրանսիացի և բրիտանացի դաշնակիցները հրապարակայնորեն ներկայացրել են գնահատականը, որ Իրանի կողմից այդ անօդաչու թռչող սարքերի մատակարարումը Ռուսաստանին ՄԱԿ-ի Անվտանգության խորհրդի 2231 բանաձևի խախտում է։ Սա մի բան է, որի հետ մենք համաձայն ենք»,- ասել է Փաթելը։
Պետքարտուղարությունը նշում է, որ իրանական անօդաչուներ են օգտագործվել Ուկրաինայի մայրաքաղաք Կիևի վրա նախօրեի հարձակման ժամանակ։
Սպիտակ տան խոսնակ Քարին Ժան-Պիերն էլ մեղադրել է Թեհրանին ստելու մեջ, երբ ասում է, որ իրանական անօդաչուները չեն օգտագործվել ՌԴ-ից կողմից Ուկրաինայում։
Էմմա Չոբանյան
