18.08.2026 | 18:23
Ռուբինյանն ու ԱՄՆ կոնգրեսականը քննարկել են TRIPP-ի իրականացումն ու տարածաշրջանային զարգացումները
ՆԱՏՕ-ն ամենամյա միջուկային զորավարժություններ է սկսել Եվրոպայում
Քաղաքականություն
18.10.2022 | 12:50
ՆԱՏՕ-ն ամենամյա միջուկային զորավարժություններ է սկսել հյուսիսարևմտյան Եվրոպայում՝ Ուկրաինայում պատերազմի հետևանքով առաջացած լարվածության և Ռուսաստանի տարածքը պաշտպանելու համար բոլոր միջոցներն օգտագործելու՝ ՌԴ նախագահ Վլադիմիր Պուտինի սպառնալիքի ֆոնին, գրում է VOA-ն:
Զորավարժություններին մասնակցում է ՆԱՏՕ-ի անդամ 30 երկրներից 14-ը։ Դրանցում ներգրավված է մոտ 60 ինքնաթիռ, այդ թվում՝ կործանիչներ, հետախուզական և լիցքավորող ինքնաթիռներ: Զորավարժությունների հիմնական մասը տեղի կունենա Ռուսաստանի սահմաններից առնվազն հազար կիլոմետր հեռավորության վրա։
Վարժանքները ծրագրվել էին անմիջապես այն բանից հետո, երբ Պուտինը փետրվարին հրամայեց ռուսական զորքեր մտցնել Ուկրաինա:
Ամերիկյան B-52 ռմբակոծիչները նույնպես մասնակցում են զորավարժություններին, որոնք ստացել են Steadfast Noon անվանումը: Վարժանքները կտևեն մինչև հոկտեմբերի 30-ը։
Ռուսաստանը նույնպես պարբերաբար նման զորավարժություններ է անցկացնում:
Տաթև Ֆռանգյան
