16.12.2025 | 13:42
ՀՀ-ն ՆԱՏՕ-ին անդամակցելու հավակնություն չունի. Սարգիս Խանդանյան․ ՏԵՍԱՆՅՈՒԹ
Մուրադ Փափազյանը պահանջում է իր անունը հանել ՀՀ-ում անցանկալի օտարերկրացիների բանկից. դատական հայց ԱԱԾ-ի դեմ
Հասարակություն
16.10.2022 | 13:19
Ֆրանսիայի հայկական կազմակերպությունները համակարգող խորհրդի համանախագահ, ՀՅԴ բյուրոյի անդամ Մուրադ Փափազյանը դատական հայց է ներկայացրել Ազգային անվտանգության ծառայության դեմ՝ պահանջելով իր անունը հանել Հայաստանի տարածքում անցանկալի օտարերկրացիների տվյալների բանկից: Այս մասին տեղեկանում ենք «Դատալեքս» դատական-տեղեկատվական համակարգից:
Հայցադիմումը ներկայացվել է սեպտեմբերի 28-ին, մակագրվել Վարչական դատարանի դատավոր Հրաչ Այվազյանին:
Հիշեցնենք, որ Մուրադ Փափազյանը 2022թվականի հուլիսի 14-ին ընտանիքի հետ եկել է Հայաստան, սակայն «Զվարթնոց» օդանավակայանում պարզել է, որ ընդգրկված է Հայաստանի տարածում անցանկալի համարվող օտարերկրացիների բանկում:
Այս առնչությամբ վարչապետ Նիկոլ Փաշինյանի աշխատակազմը պարզաբանում է տվել այն մասին, որ Մուրադ Փափազյանը 2021 թվականի հունիսի 1-ին Ֆրանսիայում ՀՀ դեսպանության մոտ վարչապետի գլխավորած կառավարական պատվիրակության՝ ՀՀ պետական դրոշակիր ավտոշարասյան դեմ հարձակում կազմակերպած անձանցից մեկն է:Աշխատակազմից նաև հիշեցրել են, որ վարչապետի ավտոշարասյան ուղղությամբ նետվել են տարբեր իրեր, առարկաներ, և ստեղծված իրավիճակը հաղթահարվել է միայն ֆրանսիական ոստիկանության և անվտանգության ուժերի ջանքերի արդյունքում:
