15.09.2026 | 10:56
Գալուզինը ԵՄ-ի՝ Հայաստանին տրված խոստումները «վերացական» է անվանել
«Քյավառցի Ռաֆոյի» սպանությունը նախապատրաստելու գործով մեղադրյալի նկատմամբ միջազգային հետախուզումը դադարեցվել է
Հասարակություն
16.10.2022 | 16:10
«Քյավառցի Ռաֆո» անունով հայտնի Ռաֆիկ Մադոյանի սպանությունը նախապատրաստելու գործով հետախուզման մեջ գտնվող անձանցից մեկի նկատմամբ միջազգային հետախուզումը դադարեցվել է: Այս մասին Factor.am-ի հետ զրույցում հայտնեց մեղադրյալի պաշտպան Գայանե Պապոյանը: Նշենք, որ միջազգային հետախուզումը դադարեցնելու որոշումը կայացվել է այն բանից հետո, երբ Վճռաբեկ դատարանը բավարարել է մեղադրյյալի նկատմամբ կալանավորումը որպես խափանման միջոց ընտրելու վերաբերյալ պաշտպանի բողոքը: Վճռաբեկ դատարանը դիրքորոշում է հայտնել, որ առկա չէ հիմնավոր կասկած այն մասին, որ մեղադրյալը կատարել է իրեն վերագրվող արարքը:
Պապոյանը պարզաբանում է, որ միջազգային պայմանագրերի համաձայն՝ եթե մեղադրյալի նկատմամբ որպես խափանման միջոց ընտրված չէ կալանավորումը, ապա նրա նկատմամբ միջազգային հետախուզումը դադարեցվում է:
«Քյավառցի Ռաֆոյի» նկատմամբ սպանության նախապատրաստությունը տեղի է ունեցել 2013 թվականին: Այս գործով մեղադրյալներից մեկին՝ Հովհաննես Համարյանին, ով հայտնի էր «Քյավառցի Հովո» անունով, այս տարվա հունիս ամսին Մոսկվայում սպանել են:
Հիշեցնենք, որ Մադոյանին փորձել են սպանել նաև մեկ տարի առաջ՝ 2021 թվականին, սակայն վարորդն է մահացել:
