31.10.2026 | 22:55
Հայտնաբերվել է զինծառայողի դի. ՊՆ
Մամուլի ազատությունը Հայաստանի կարևորագույն արժեքներից է. ՀՀ վարչապետի ուղերձը Հայ մամուլի օրվա առիթով
Հասարակություն
16.10.2022 | 12:47
Վարչապետ Նիկոլ Փաշինյանnն ուղերձ է հղել Հայ մամուլի օրվա առիթով: Ինչպես տեղեկանում ենք ՀՀ վարչապետի աշխատակազմից, Նիկոլ Փաշինյանի ուղերձում ասվում է.
«Հայ մամուլի հարգելի ներկայացուցիչներ,
Սիրելի գործընկերներ,
Ջերմորեն շնորհավորում եմ ձեզ մասնագիտական տոնի՝ Հայ մամուլի օրվա կապակցությամբ:
Այս տոնը կոչված է մեկ անգամ ևս արժևորելու և նշանավորելու ազատ խոսքի դերն ու կշիռը մեր հասարակության տարբեր շերտերում: Մամուլը, խոսքի ազատությունը ժողովրդավարության ամենակարևոր ինստիտուտներից են, որոնց զարգացման գործում մեր կառավարությունը հետևողական է և շարունակելու է ամեն ինչ անել, որպեսզի մեր երկիրը շարունակի քայլել ժողովրդավարության ճանապարհով:
Այս օրերին, երբ ազգովի բազմաթիվ մարտահրավերների առաջ ենք կանգնում, դրանց հաղթահարման ճանապարհին հայ մամուլը կարևոր անելիք ունի, քանի որ մամուլի առանցքային դերերից է առողջ մտածելակերպով կայուն հասարակության ձևավորումը, տարբեր ոլորտներում թափանցիկության ապահովումն ու իրականության պատշաճ իրազեկումը: Մամուլի ազատությունն այն կարևորագույն արժեքներից է, որն ունենք Հայաստանում, և մենք պետք է ամեն ինչ անենք, որպեսզի պահպանենք և զարգացնենք այն:
Սիրելի լրագրողներ,
Զանգվածային լրատվամիջոցների ներկայացուցիչներ,
Ձեր բարդ և պատասխանատու աշխատանքում մաղթում եմ արդյունավետ գործունեություն, ստեղծագործական վերելքներ, մշտապես կատարելագործվելու կամք և ձգտում»:
