06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
ԱՄՆ-ը Ռուսաստանի կողմից որևէ ջանք չի տեսել Հայաստան-Ադրբեջան հակամարտության կարգավորման հարցում. պետքարտուղարություն
Քաղաքականություն
15.10.2022 | 14:55
Մենք Ռուսաստանի կողմից որևէ ջանք չենք տեսել Հայաստան-Ադրբեջան հակամարտության կարգավորման հարցում․ այս մասին ճեպազրույցի ժամանակ հայտարարել է ԱՄՆ պետքարտուղարության մամուլի ծառայության ղեկավարի առաջին տեղակալ Վեդանտ Պատելը:
Ճեպազրույցի ժամանակ լրագրողը հարցրել է․
– Հարցս վերաբերում է Հայաստան-Ադրբեջան հակամարտությանը։ Զախարովան երկու օր առաջ ասաց․ «Արևմուտքը փորձում է փոխարինել մեզ կամ փորձում է «գողանալ» մեր միջնորդական ջանքերը։ ԵՄ առաքելության դիմաց կա ՀԱՊԿ առաքելություն»։ Մտահոգություն ունե՞ք, որ Ռուսաստանը կարող է ևս մեկ անգամ վտանգի ենթարկել այն գործընթացը, որը դուք կազմակերպել եք:
– Եթե որևէ երկիր ցանկանում է համագործակցել մեզ հետ Հայաստանի և Ադրբեջանի հարցում և օգնել մեզ հասնել խաղաղ կարգավորման, մենք, իհարկե, կողջունենք դա: Բայց մենք չենք տեսել Ռուսաստանի կողմից որևէ ջանք ,- ասել է Պատելը։
