11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Լարված հարաբերությունների ֆոնին հանդիպել են Թուրքիայի և Հունաստանի ՊՆ ղեկավարները
Քաղաքականություն
14.10.2022 | 22:10
Հունաստանի և Թուրքիայի պաշտպանության նախարարներ Նիկոս Պանայոտոպուլոսը և Հուլուսի Աքարը նախօրերին հանդիպել են Բրյուսելում ՆԱՏՕ-ի նախարարների հանդիպման ժամանակ և պայմանավորվել կապ պահպանել՝ երկու երկրների միջև լարվածության թուլացման համար, գրում է ekathimerini-ն։
Նախարարներից յուրաքանչյուրը երկկողմ հանդիպում է ունեցել ԱՄՆ-ի իրենց գործընկեր Լլոյդ Օսթինի հետ։
Պանայոտոպուլոսն Աքարին ասել է, որ անհրաժեշտ է բացել կապի ուղիները, հնարավորության դեպքում՝ ամենաբարձր մակարդակով, որպեսզի ապաէսկալացիայի ջանքերն արդյունք տան:
Հավելենք, որ Թուրքիայի նախագահ Ռեջեփ Թայիփ Էրդողանը հայտարարել էր, որ այլևս չի ցանկանում խոսել Հունաստանի վարչապետ Կիրիակոս Միցոտակիսի հետ, որը, իր հերթին, իրեն բաց է հայտարարել երկխոսության համար։
Հունաստանի պաշտպանության նախարարն ասել է Աքարին, որպեսզի բանակցությունները պետք է վերսկսվեն ամենաբարձր մակարդակով կամ նույնիսկ ընդհանուր համաձայնագրերի վրա աշխատող ստորին մակարդակի հանձնաժողովների միջև, և որ Թուրքիան պետք է դադարեցնի իր բանավոր սպառնալիքներն ու մարտահրավերները Հունաստանի ինքնիշխանության նկատմամբ։
Նշվում է, որ Աքարը համաձայնել է հարաբերությունների բարելավման անհրաժեշտության մասին, սակայն հավելել, որ տարաձայնություններ կան, որոնք պետք է բաց քննարկվեն։
Էմմա Չոբանյան
