20.02.2026 | 20:13
Մյունխենում Ալիևներին հարց ուղղած ադրբեջանցի լրագրողն իր դեմ հարձակման մասին է հայտարարել
Ադրբեջանը սեպտեմբերի 13-ին լիովին այլ նպատակներ ուներ․ իմ տվյալներով՝ Ադրբեջանը 431 կորուստ ունի․ Սիմոնյան․ ՏԵՍԱՆՅՈՒԹ
Քաղաքականություն
14.10.2022 | 14:29
Այսօր հայկական բանակն ուղղում է իր մեջքը, դրա վառ օրինակն էր սեպտեմբերյան իրադարձությունների ժամանակ մեր տղաների հերոսամարտը, երբ նրանք հերոսաբար պաշտպանեցին ՀՀ սահմանը։ Արցախի պատվիրակության հետ հանդիպումից հետո լրագրողների հետ ճեպազրույցում այս մասին հայտարարեց Ազգային ժողովի նախագահ Ալեն Սիմոնյանը՝ հավելելով, որ Ադրբեջանը սեպտեմբերի 13-ին լիովին այլ նպատակներ ուներ, որոնք սակայն, ի շնորհիվ մեր բանակի, չիրագործվեցին։
«Այո, մենք ունեցանք զոհեր, մեր հակառակորդը ունեցավ ավելի շատ զոհեր: Այո, Հայաստանի Հանրապետությունը պետք է պաշտպանենք՝ թեկուզ զոհվելով:
Կարծում եմ, Ադրբեջանի ագրեսիան մի քանի նպատակ է ունեցել՝ մաքսիմում և մինիմում: Մաքսիմում նպատակը եղել է հնարավորինս շատ տարածքային առավելություն ունենալը, իսկ մինիմումը՝ ստուգել, տեսնել հայկական բանակի մարտունակությունը: Այն փաստը, որ Ադրբեջանը հենց առաջին ժամերին հայտարարեց, որ 70 զոհ ունի, խոսում է նրա մասին, որ իրենց զոհերի թիվը շատ ավելի շատ է: Իմ տվյալներով՝ նրանց զոհերի քանակը 431 է»,- ասաց Սիմոնյանը:
Հիշեցնենք՝ Ադրբեջանը սեպտեմբերի 12-ի լույս 13-ի գիշերը լայնածավալ հարձակում էր սկսել հայ-ադրբեջանական սահմանի մի քանի ուղղություններով: Ռազմական գործողությունները շարունակվել են մինչև սեպտեմբերի 14-ը, ինչի հետևանքով հայկական կողմի զոհերի ու անհետ կորածների թիվը 207 է: Ադրբեջանը պաշտոնապես հայտնել է 80 զոհի մասին:
Մանրամասները՝ տեսանյութում։
