25.06.2026 | 18:47
ՍԴ-ում պատասխանողի ներկայացուցիչները կլինեն Վահագն Հովակիմյանը և Նունե Հովհաննիսյանը
SpaceX-ը հրաժարվում է ֆինանսավորել Starlink ծառայությունն Ուկրաինայում
Քաղաքականություն
14.10.2022 | 21:48
Ամերիկացի միլիարդատեր, գործարար Իլոն Մասկի SpaceX ընկերությունը Պենտագոնին խնդրում է ֆինանսավորել Ուկրաինայի կողմից Starlink արբանյակային համակարգի պետական և ռազմական օգտագործումը։ Այս մասին հայտնում է ամերիկյան CNN հեռուստաալիքը, որին վկայակոչում է DW-ի ռուսական ծառայությունը։
Նշվում է, որ մինչև այս տարվա վերջ այդ ծախսերը, ըստ SpaceX-ի հաշվարկների, կկազմեն ավելի քան 120 մլն դոլար։ Starlink-ի ծառայությունների արժեքն առաջիկա 12 ամիսներին գնահատվում է մոտ 400 մլն դոլար։
«Մենք ի վիճակի չենք հետագայում տերմինալներ նվիրաբերել Ուկրաինային կամ ֆինանսավորել գոյություն ունեցող տերմինալները անորոշ ժամանակով»,- ասվում է SpaceX-ի պետական վաճառքի գծով տնօրենի համապատասխան նամակում։
SpaceX-ի կողմից Պենտագոն ուղարկված և լրատվամիջոցի տրամադրության տակ հայտնված փաստաթղթերի թվում կա նաև հուլիսին Ուկրաինայի Զինված ուժերի գլխավոր հրամանատար Վալերի Զալուժնիի հարցումը՝ ուղղված Մասկին։ Այն պարունակում է խնդրանք՝ տրամադրել մոտ 8000-ով ավելի Starlink տերմինալներ։
Մինչև օրս SpaceX-ն Ուկրաինային մոտ 20,000 միավոր Starlink է փոխանցել։ Իլոն Մասկն ավելի վաղ հայտնել էր, որ այդ գործողությունն իր ընկերությանն արժեցել է 80 մլն դոլար։ Starlink տերմինալներն ապահովում են մուտք դեպի գերարագ ինտերնետ այն վայրերում, որտեղ այն այլ կերպ հասանելի չէ, և թույլ են տալիս ուկրաինական բանակին, ի թիվս այլ բաների, համակարգել հրետանային հարվածները և վերահսկել անօդաչու սարքերը:
Էմմա Չոբանյան
