23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Աստանայում մեկնարկել է ԱՊՀ պետությունների ղեկավարների խորհրդի նիստը
Քաղաքականություն
14.10.2022 | 11:07
Ղազախստանի մայրաքաղաք Աստանայում մեկնարկել է ԱՊՀ պետությունների ղեկավարների խորհրդի նիստը։ Բացելով հանդիպումը՝ Ղազախստանի նախագահ Կասիմ-Ժոմարտ Տոկաևն ասել է, որ իրենք կքննարկեն «կարևոր հարցեր՝ կապված հումանիտար գործընկերության, անվտանգության և համագործակցության այլ ասպեկտների հետ», գրում է Կոմերսանտը։
Նիստին մասնակցում են Հայաստանի, Ռուսաստանի, Ադրբեջանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ղեկավարները։ Սկզբում պետությունների ղեկավարները կշփվեն նեղ ձևաչափով։ Այսօր Աստանայում տեղի կունենա նաև Ռուսաստան-Կենտրոնական Ասիա գագաթնաժողովը։
Աստանայում է նաև ՀՀ ԱԳ նախարար Արարատ Միրզոյանը։ Այս պահին շարունակվում է նրա հանդիպումը Ադրբեջանի արտգործնախարար Ջեյհուն Բայրամովի և ՌԴ ԱԳ նախարար Սերգեյ Լավրովի հետ։
Տաթև Ֆռանգյան
