01.11.2026 | 11:33
Ուկրաինայում պատերազմը տեղափոխվել է նաև ստորգետնյա գազատարներ․ զինվորականները մարտեր են վարում խողովակաշարերում․ ԼՈՒՍԱՆԿԱՐՆԵՐ
Ռուսաստանն իր տեսադաշտում է պահում Ադրբեջանի և Հայաստանի միջև կարգավորման հարցերը․ Պուտին
Քաղաքականություն
13.10.2022 | 19:53
Ռուսաստանն իր տեսադաշտում է պահում Ադրբեջանի և Հայաստանի միջև հակամարտության կարգավորման հարցերը։ Այս մասին հայտարարել է ՌԴ նախագահ Վլադիմիր Պուտինն իր ադրբեջանցի գործընկեր Իլհամ Ալիևի հետ հանդիպման ժամանակ՝ առաջարկելով քննարկել այդ թեման, գրում է ՌԻԱ Նովոստին։
«Բնականաբար, մենք միշտ մեր տեսադաշտում ենք պահում տարածաշրջանում իրավիճակի կարգավորման հետ կապված իրավիճակը: Հուսով եմ, որ մենք կօգտագործենք այս հնարավորությունը՝ կրկին քննարկելու բոլոր հարցերը և համեմատելու տեսակետները»,- ասել է Պուտինը։
Նա նշել է, որ հարցերը շատ են, միշտ խոսելու թեմա կա։
«Ռուսաստանը մնում է Ադրբեջանի առաջատար առևտրատնտեսական գործընկերներից մեկը: Առևտրաշրջանառությունն աճում է… Մեր տնտեսական օպերատորները 4,5 միլիարդ դոլար են ներդրել Ադրբեջանի տնտեսության մեջ»,- հավելել է ՌԴ նախագահը:
Տաթև Ֆռանգյան
