20.11.2024 | 20:32
Աղձք բնակավայրի հարակից հատվածում իրականացվելու են պայթեցման աշխատանքներ
Անընդունելի է Իրան-Հայաստան տարանցիկ ուղիների ցանկացած փոփոխություն․ Իրանի նախագահը՝ Ալիևին
Քաղաքականություն
13.10.2022 | 18:53
Իրանի և Ադրբեջանի նախագահները հանդիպում են անցկացրել Ղազախստանի մայրաքաղաք Աստանայում Ասիայում համագործակցության ու վստահության միջոցների 6-րդ գագաթնաժողովի շրջանակում, հաղորդում է Mehr գործակալությունը։
Հաղորդվում է, որ նախագահներ Էբրահիմ Ռաեսին ու Իլհամ Ալիևը երկկողմ հանդիպում են ունեցել։ Լրատվամիջոցը, սակայն, բանակցություններից մանրամասներ չի հաղորդում։
Փոխարենը հանդիպումից մանրամասներ է հայտնել Իրանի նախագահի աշխատակազմի ղեկավարի քաղաքական հարցերով տեղակալ Մոհամմադ Ջամշիդին թվիթերյան իր էջում գրառմամբ։
«Նախագահ Ռաիսին Ադրբեջանի նախագահ Ալիևին հասկացրել է, որ անընդունելի է պատմական սահմանների, տարածաշրջանային աշխարհաքաղաքականության և Իրան-Հայաստան տարանցիկ ուղիների ցանկացած փոփոխություն։ Նաև ցանկացած քողի տակ եվրոպական ռազմական ներկայությունը մերժվում է: Արևմուտքը ռազմավարական առումով չի կարող մեզ շեղել»,- գրել է նա։
Էմմա Չոբանյան
