01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Պուտինի պատերազմը խաչակրաց արշավանք է ժողովրդավարության դեմ․ Շոլց
Քաղաքականություն
13.10.2022 | 17:59
Գերմանիայի կանցլեր Օլաֆ Շոլցը հայտարարել է, որ Ռուսաստանը, հարձակվելով Ուկրաինայի վրա, խաչակրաց արշավանք է սկսել հավաքական Արևմուտքի դեմ։ Այս մասին գրում է ՌԲԿ Ուկրաինան՝ վկայակոչելով CNN-ին։
«Վլադիմիր Պուտինն ու նրա համախոհներն ամբողջ ընթացքում հստակ հասկացրել են մի բան. այս պատերազմը միայն Ուկրաինայի մասին չէ, նրանք Ուկրաինայի դեմ պատերազմը դիտարկում են որպես ավելի մեծ խաչակրաց արշավանքի մաս»,- ասել է Շոլցը:
Նա հավելել է, որ նկատի ունի «խաչակրաց արշավանք ընդդեմ լիբերալ ժողովրդավարության, ազատական կարգի վրա հիմնված կանոնների և ընդդեմ ազատության ու առաջընթացի»:
Շոլցը նաև նշել է, որ Գերմանիան կշարունակի աջակցել Ուկրաինային ֆինանսական, տնտեսական, ինչպես նաև հումանիտար և ռազմական առումով։
«Ներառյալ՝ ծանր սպառազինություն, ՀՕՊ ժամանակակից համակարգեր ու տանկեր․․․ Մենք կշարունակենք աջակցել այնքան, որքան կպահանջվի»,- ասել է նա։
Շոլցը վստահություն է հայտնել, որ Պուտինի փորձը՝ ապակայունացնել հիմնական տնտեսական կարգը, կձախողվի այնպես, ինչպես նա կձախողվի Ուկրաինայի մարտադաշտում:
Էմմա Չոբանյան
