16.09.2026 | 14:31
ԵՀ նախագահը Կանադային առաջարկել է դառնալ միության առաջին «ասոցացված անդամը»
Ֆրանսիան միջուկային հարված չի հասցնի Ռուսաստանի դեմ. Մակրոն
Քաղաքականություն
13.10.2022 | 12:18
Ֆրանսիայի նախագահ Էմանուել Մակրոնը հայտարարել է, որ երկիրը միջուկային զենք չի օգտագործի Ռուսաստանի դեմ, եթե վերջինս միջուկային հարված հասցնի Ուկրաինային։ Այս մասին նա ասել է France 2 հեռուստաալիքին տված հարցազրույցում, գրում է korrespondent-ը։
«Մեր դոկտրինը հիմնված է ազգի հիմնարար շահերի վրա, և դրանք շատ հստակ սահմանված են։ Եթե Ուկրաինայի դեմ միջուկային հրթիռային հարձակում իրականացվի, այդ շահերը կասկածի տակ չեն դրվի»,- ասել նա։ Լրագրողի ճշտող հարցին՝ այսինքն դա Ֆրանսիայի կողմից միջուկային պատասխանի չի՞ հանգեցնի, Մակրոնը պատասխանել է՝ «Ակնհայտ է»։
«Ես ֆրանսիացիներին միշտ ասել եմ ճշմարտությունը… Ռուսաստանը միջուկային զենք ունի, ինչպես Ֆրանսիան, մեր դոկտրինն այս հարցում պարզ է, զսպումը գործում է: Որքան քիչ ենք խոսում այդ մասին, այնքան ավելի քիչ ենք ուռճացնում սպառնալիքը և ավելի շատ վստահություն ունենք։ Չափազանց շատ մարդիկ են խոսում այդ մասին»,- ասել է Մակրոնը։
Նրա խոսքով՝ Ուկրաինան առաջիկա շաբաթների ընթացքում կստանա ֆրանսիական ռազմական օգնության հերթական խմբաքանակը։
Տաթև Ֆռանգյան
