15.09.2026 | 18:52
Հայաստանի հավաքականի բասկետբոլիստը կխաղա ԱՄՆ-ում
Բայրամովը հայտարարել է, թե Հայաստանին են ներկայացվել 5 սկզբունքների ընդլայնված տարրերը
Քաղաքականություն
12.10.2022 | 15:11
Ադրբեջանի ԱԳ նախարար Ջեյհուն Բայրամովը հայտարարել է, թե Բաքուն Հայաստանին է փոխանցել խաղաղության հնարավոր պայմանագրի ընդլայնված տարրերը, գրում են տեղական լրատվամիջոցները։
«Ադրբեջանական կողմը հակառակ կողմին է ներկայացրել ընդլայնված տարրերը»,- ասել է Բայրամովը Բիշքեկում ադրբեջանական քարոզչական լրատվականների հետ զրույցում։
Նա նշել է, որ հայկական կողմը, իբր, ծանոթանալու համար ժամանակ է խնդրել։
Բայրամովը նշել է, որ ընդլայնված տարրերը լրացնում են ավելի վաղ ներկայացված հինգ սկզբունքները, որոնք, ըստ Բաքվի, պետք է լինեն հնարավոր պայմանագրի հիմքում։ Նա նաև ասել է, որ հոկտեմբերին Բրյուսելում տեղի է ունենալու Հայաստանի հետ սահմանների դելիմիտացիայի հանձնաժողովի երրորդ նիստը։
Հավելենք, որ Ադրբեջանը հայկական կողմի առաջարկներին չի պատասխանել և խաղաղության պայմանագիրը պատկերացնում է բառացապես սեփական պահանջների հիման վրա։
Նախօրեին էլ ՀՀ ԱԳՆ խոսնակ Վահան Հունանյանը նշել էր, որ Ադրբեջանի հետ բանակցությունները շարունակվում են և Պրահայի հանդիպումից հետո տարածված հայտարարությունից հետո որևէ զարգացում չկա, նոր զարգացումների դեպքում հանրությունը կտեղեկացվի։
Էմմա Չոբանյան
