14.11.2024 | 21:13
Կտրականապես մերժում ենք անհիմն տեսակետները․ Նիդերլանդների ԱԳՆ-ն արձագանքել է Ալիևի մեղադրանքներին
Լեգենդար տենոր Յոզեֆ Կալեյան Երևանում կատարել է Սպենդիարյանի հայտնի ռոմանսը
Մշակույթ
12.10.2022 | 11:51
Երևանում Հայաստանի պետական սիմֆոնիկ նվագախմբի հետ և դիրիժոր Սերգեյ Սմբատյանի ղեկավարությամբ հանդես է եկել մեր օրերի ամենահեղինակավոր տենորներից մեկը՝ Յոզեֆ Կալեյան․ տեղեկացնում են Հայաստանի պետական սիմֆոնիկ նվագախմբից
«Աշխարհի լավագույն բեմերի ամենապահանջված օպերային երգիչը մեծ ընդունելության արժանացավ երևանյան ունկնդրի կողմից։ Կալեյայի վիրտուոզ մեկնաբանություններն ուղեկցվում էին բուռն ծափողջույններով։ Նա իր գեղեցիկ ձայնով ու կատարողական վարպետությամբ կարողացավ գերել ներկաներին՝ հաղորդելով աննկարագրելի հույզեր։
Մալթացի տենորը նվագախմբի հետ ներկայացրեց Չայկովսկու, Շորի, Պուչչինիի ստեղծագործություններից։ Յոզեֆ Կալեյան կատարեց նաև Ալեքսանդր Սպենդիարյանի «Ա՜յ, վարդ» ռոմանսը, որը նա առաջին անգամ կատարել էր Դուբայի օպերային թատրոնում»,- ասված է հաղորդագրությունում։
