21.04.2026 | 16:23
Դատապարտում եմ վարորդների նկատմամբ բռնության դեպքերը. Իզաբելլա Աբգարյան․ ՏԵՍԱՆՅՈՒԹ
ՌԴ-ի ձեռք բերած իրանական ԱԹՍ-ները չեն արդարացնում ակնկալիքները․ բրիտանական հետախուզություն
Քաղաքականություն
12.10.2022 | 15:34
Մեծ Բրիտանիայի հետախուզությունն ուկրաինական պատերազմի վերաբերյալ այսօրվա ամփոփագրում անդրադարձել է իրանական անօդաչուների արդյունավետությանը, որոնք ՌԴ-ն կիրառում է Ուկրաինայի դեմ պատերազմում, գրում BBC-ի ռուսական ծառայությունը։
Նշվում է, որ Ռուսաստանը սկսել է Իրանում արտադրված անօդաչու թռչող սարքեր օգտագործել այս տարվա օգոստոսից։ Հիմնականում դրանք կամիկաձե «Շահեդ-136» անօդաչուներն են։ ՌԴ-ն այս սարքերը կիրառել է հոկտեմբերի 10-ի օդային հարվածների ժամանակ։
Ըստ հետախուզության՝ այս սարքերը շարժվում են ցածր արագությամբ փոքր բարձրություններում, ինչը դրանց դարձնում է հեշտ թիրախ սովորական ՀՕՊ համակարգերի համար։ Նաև իրատեսական է ենթադրել, որ ՌԴ-ն ունեցել է որոշակի հաջողություն դրանցից մի քանիսի հարվածներով։
Նշվում է, որ չնայած հայտարարված 2500 կմ հեռահարությանը՝ «Շահեդ-136»-երն ի վիճակի են միայն փոքր քանակությամբ պայթուցիկ տեղափոխել: Դժվար թե դա ի վիճակի լինի բավարար չափով լուծել խորը թիկունքում հարվածներ հասցնելու խնդիրները, որի համար, հավանաբար, Ռուսաստանը պատրաստվում էր օգտագործել դրանք։
«Հաշվի առնելով, որ ռուսական ռազմական ավիացիան բավական սահմանափակ է ուկրաիանական տարածքներում գործողությունների մեջ, օպերատիվ մակարդակում հուսալի, կայուն և ճշգրիտ հարվածների հնարավորությունների բացակայությունն Ուկրաինայում ռուսական մարտունակության ամենաթույլ կետերից մեկն է թվում»,- ասվում է ամփոփագրում։
Էմմա Չոբանյան
