08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Զախարովան հայտարարել է, թե ԵՄ-ն փորձում է միջամտել «Մոսկվայի կողմից Բաքվի և Երևանի միջև հակամարտության կարգավորմանը»
Քաղաքականություն
11.10.2022 | 19:18
Ռուսաստանն Ադրբեջանի և Հայաստանի սահմանին Եվրամիության քաղաքացիական առաքելության մեջ տեսնում է ԵՄ-ի կողմից Մոսկվայի ջանքերը հետ մղելու և հարաբերությունների կարգավորմանը միջամտելու փորձ։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։
«Մենք դրանում դիտարկում ենք, ցավոք, ԵՄ-ի հերթական փորձերը՝ ամեն կերպ միջամտել Ադրբեջանի և Հայաստանի միջև հարաբերությունների կարգավորմանը՝ մեր երկրի միջնորդական ջանքերը ճնշելով։ Մենք ելնում ենք նրանից, որ Բաքվի և Երևանի հաշտեցման, տարածաշրջանում կայուն խաղաղության և երկարաժամկետ կայունության հաստատման միակ բանալին Ռուսաստանի, Ադրբեջանի և Հայաստանի ղեկավարների եռակողմ հայտարարությունների լիակատար իրականացումն է»,- ասել է Զախարովան։
Էմմա Չոբանյան
