17.01.2026 | 14:10
Նոր համայնքային փնջեր են ձևավորվելու․ ՏԿԵՆ-ը նախագիծ է ներկայացրել
Վարդենիկում ոռոգման ջրատար է կառուցվում
Տնտեսություն
11.10.2022 | 14:09
Մարտունի համայնքի Վարդենիկ բնակավայրից 9 կմ հեռավորության վրա գտնվող 4-րդ հորատանցքի մոտ ընթանում են ոռոգման ջրատարի կառուցման 2022 թվականի սուբվենցիոն ծրագրի իրականացման աշխատանքները․ տեղեկացնում են Մարտունու համայնքապետարանից։
«Դժվարանցանելի կիրճով հոսող առվի 2,8 կմ հատվածում ջրի կորուստը կազմում է շուրջ 60%: Այժմ առվին զուգահեռ կատարվում է հարթեցում՝ գրունտային ճանապարհ բացելով անհրաժեշտ տեխնիկայի տեղաշարժի համար, ապա այդ հարթության վրա ԼՌ-80 երկաթբետոնե վաքերով կառուցվում է նոր ջրատար։
-Ծրագրի անվանում՝ «ՀՀ Գեղարքունիքի մարզի Մարտունի համայնքի Վարդենիկ բնակավայրի ոռոգման ջրատարի կառուցման» աշխատանքներ
-Շինարարական աշխատանքների արժեք՝ 114 միլիոն դրամ, որի 70%-ը պետբյուջեից և 30%-ը՝ համայնքի բյուջեից
– Ոռոգման համակարգի երկարություն՝ 2840 մետր
-Իրականացնող կազմակերպություն՝ «ՍՏՐՈՆԳ ՇԻՆ» ՍՊԸ
-Տեխնիկական հսկողություն իրականացնող՝ «ԲՈՒԼԳԱՐՈ» ՍՊԸ
-Հեղինակայնն հսկողություն իրականացնող՝ «Սամ նախագիծ» ՍՊԸ»,- ասված է հաղորդագրությունում։
