03.04.2026 | 23:13
NASA-ն հրապարակել է Երկրի նոր լուսանկարը
Աստանայում վաղը տեղի կունենա Պուտինի և Էրդողանի հանդիպումը․ AFP
Քաղաքականություն
11.10.2022 | 14:17
Ղազախստանի մայրաքաղաք Աստանայում տարածաշրջանային գագաթնաժողովի շրջանակում հոկտեմբերի 12-ին տեղի կունենա Թուրքիայի նախագահ Ռեջեփ Թայիփ Էրդողանի հանդիպումը ՌԴ նախագահ Վլադիմիր Պուտինի հետ։ Այս մասին AFP-ին հայտնել է մի թուրք պաշտոնյա, փոխանցում է Al Arabiya-ն։
Թուրքիան, որը չեզոք է ուկրաինական հակամարտության ընթացքում, լավ հարաբերություններ ունի և՛ ՌԴ-ի, և՛ Ուկրաինայի հետ։
Հավելենք, որ Էրդողանն ու Պուտինը վերջին անգամ հանդիպել էին Սամարղանդում սեպտեմբերի 16-ին՝ Շանհայի համագործակցության կազմակերպության գագաթնաժողովի շրջանակում։
Օրերս էլ Էրդողանը հայտնել էր, որ առաջիկա օրերին ակնկալում է հանդիպել ՌԴ նախագահին։
«Պուտինը կարող է ժամանել ասիական բանակցությունների, մենք կարող ենք երկկողմ բանակցություններ անցկացնել, ինչպես նաև բանակցություններ Ռուսաստանի և Ուկրաինայի խնդրով»,- ասել էր Թուրքիայի նախագահը։
Նախօրեին ՌԴ նախագահի մամուլի խոսնակ Դմիտրի Պեսկովը նույնպես չէր բացառել երկու նախագահների հանդիպումը։
Էմմա Չոբանյան
