16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Պուտինը վախենում է հեղաշրջումից․ The Sun
Քաղաքականություն
11.10.2022 | 15:10
Մոսկվայում անվտանգությունն ուժեղացնելու համար ռուս զինվորականների էլիտար ստորաբաժանում է տեղակայվել, քանի որ Կրեմլի ղեկավար Վլադիմիր Պուտինը վախենում է, որ իրեն կտապալեն պետական հեղաշրջման արդյունքում: Այս մասին հայտնում է The Sun-ը՝ հղում անելով ուկրաինական հետախուզության աղբյուրներին։
«ՌԴ ազգային գվարդիայի Պուտինի էլիտար ՕԴՈՆ ստորաբաժանումը սկսել է այլ զինվորների ձերբակալությունները»,- գրում է թերթը։
Կիևի գաղտնի ծառայությունները հայտնել են, որ «Մոսկվայի պարագծի երկայնքով բոլոր զորամասերը բերվել են բարձր պատրաստվածության վիճակի»։
ՕԴՈՆ-ի զորքերը (Առանձին օպերատիվ բաժին) Ազգային գվարդիայի ներքին անվտանգության ստորաբաժանումն է։ Արագ արձագանքման հատուկ խումբն ունի մոտ 18 հազար մարդ, որը գլխավորում է գեներալ-մայոր Նիկոլայ Կուզնեցովը։
Հիշեցնենք, որ ավելի վաղ հայտնի է դարձել, որ Մոսկվայում աշխատանք են սկսել Ձերժինսկու անվան օպերատիվ ստորաբաժանումները՝ Ազգային գվարդիայի «էլիտան»: Մոսկվայի կենտրոնն արգելափակվել է զինվորականների զանգվածային կալանավորման պատճառով։
Հաղորդվել է նաև, որ Մոսկվայի և Սանկտ Պետերբուրգի 18 շրջանների մունիցիպալ պատգամավորները հրապարակային հայտարարություն են ստորագրել՝ պահանջելով ՌԴ նախագահ Վլադիմիր Պուտինի հրաժարականը։
Լրատվամիջոցները գրել էին, որ ռուսական վերնախավն ու բարձրաստիճան պաշտոնյաները քննարկում են Պուտինի հավանական իրավահաջորդների անունները։
Տաթև Ֆռանգյան
