01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
ԵՄ-ն Ռուսաստանի դեմ նոր պատժամիջոցներ է մշակում
Քաղաքականություն
11.10.2022 | 13:07
Եվրամիությունը սկսել է աշխատել Ռուսաստանի դեմ նոր պատժամիջոցների մշակման ուղղությամբ։ Սա կլինի ԵՄ պատժամիջոցների իններորդ փաթեթը՝ Ուկրաինա ռուսական ներխուժման սկզբից ի վեր, գրում է Korrespondent-ը։
«Արդեն աշխատանքներ են տարվում Ռուսաստանի դեմ ԵՄ պատժամիջոցների նոր փաթեթի ուղղությամբ, որը կարող է ներառել Ռուսաստանում գույքի բռնագրավում, գույքի վաճառքի արգելք և այլ մանրամասներ, որոնք քննարկվել են նախորդ փուլերում»,- ասվում է հրապարակման մեջ։
Նշվում է, որ պատժամիջոցների նոր փաթեթը կարող է սահմանափակումներ ներառել Բելառուսի նկատմամբ, քանի որ այն ներառված չէր նախորդում։
Հիշեցնենք, որ միայն անցյալ շաբաթ ԵՄ խորհուրդը հավանություն տվեց Ռուսաստանի դեմ պատժամիջոցների ութերորդ փաթեթին՝ Ուկրաինայի դեմ ագրեսիայի համար։
Տաթև Ֆռանգյան
