08.06.2026 | 14:09
Ընտրություններից հետո հնարավոր սրման մասին հայտարարած անձը ձերբակալվել է
Կիևն Արևմուտքին առաջարկում է անվտանգային նոր պայմանագիր․ Foreign Policy
Քաղաքականություն
11.10.2022 | 21:08
Ուկրաինական իշխանությունները միացել են ՆԱՏՕ-ի նախկին գլխավոր քարտուղար Անդերս ֆոգ Ռասմուսենին՝ առաջարկելով Արևմուտքի և Ուկրաիանյի միջև անվտանգության նոր պայմանագիր, որը մասամբ ԱՄՆ-ի և Իսրայելի հարաբերությունների օրինակով է։ Այս մասին գրում է Foreign Policy, որին վկայակոչում է BBC-ի ռուսական ծառայությունը։
Այսպես կոչված «Կիևի անվտանգության պայմանագիրը» ենթադրում է Ուկրաինայի համար իրավական պարտավորեցնող երաշխիքներ արևմտյան երկրների կոալիցիայի կողմից՝ ամրապնդելու համար նրա ունակությունները՝ դիմակայելու ռուսական ագրեսիային համատեղ զորավարժությունների, առաջադեմ պաշտպանական սպառազինության համակարգերի տրամադրման և երկրի ռազմարդյունաբերական համալիրի զարգացմանն աջակցելու միջոցով։
Նախագահ Վլադիմիր Զելենսկին խոստացել է արագացնել ՆԱՏՕ-ի անդամակցության դիմումի գործընթացը, սակայն արևմտյան պաշտոնյաներն ու փորձագետները կասկածում են, որ դիմումը կարճաժամկետ հեռանկարում աջակցություն կստանա։
Առաջարկվող պայմանագիրն արդյունավետորեն կծառայի որպես արևմտյան ժամանակավոր պաշտպանության ձև Ուկրաինայի համար, քանի որ նա ձգտում է դառնալ դաշինքի լիիրավ անդամ:
Ռասմուսենը պայմանագիրն անվանել է պաշտոնական ամրապնդում այն աջակցության, որն Արևմուտքը ցուցաբերում է Ուկրաինային ռուսական ներխուժումից ի վեր։ Նա այդ ծրագրի վրա աշխատել է Ուկրաինայի նախագահի աշխատակազմի ղեկավար Անդրեյ Երմակի հետ մայիսից ի դեր և հիմա այն ներկայացնում է ՆԱՏՕ-ի անդամ երկրներին՝ Վաշինգտոնից սկսելով։
Էմմա Չոբանյան
