21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
Բորելը Բայրամովին տեղեկացրել է ԵՄ առաքելության նախապատրաստման մասին
Քաղաքականություն
11.10.2022 | 11:11
ԵՄ արտաքին հարաբերությունների ու անվտանգության հարցերով բարձր ներկայացուցիչ Ժոզեպ Բորելը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ։
«Զրույցի ընթացքում քննարկվել են Պրահայում կայացած Հայաստանի, Ադրբեջանի, Ֆրանսիայի ու ԵԽ ղեկավարների քառակողմ հանդիպման արդյունքները, դրանցից բխող հարցերն ու տարածաշրջանում իրավիճակը»,- ասվում է Ադրբեջանի ԱԳՆ-ի տարածած հաղորդագրության մեջ։
Ըստ ադրբեջանական կողմի՝ Բորելը Բայրամովին տեղեկացրել է ԵՄ առաքելության նախապատրաստման մասին, որը տեղակայվելու է Հայաստանում Ադրբեջանի հետ սահմանին։ ԵՄ պաշտոնյան նաև բարձր է որակել Պրահայի հանդիպման արդյունքներն ու ընդգծել ԵՄ հավատարմությունը տարածաշրջանում խաղաղության ու կայունության հաստատման գործում։
Էմմա Չոբանյան
