09.10.2026 | 16:19
Սպանության նախապատրաստության գործով 4 անձ է ձերբակալվել․ իրավապահները կանխել են հանցագործությունը
Ադրբեջանն օկուպացրել է Հայաստանի տարածքները, ինչն անընդունելի է. ԵԽԽՎ իռլանդացի պատգամավոր
Քաղաքականություն
10.10.2022 | 21:05
Եվրախորհրդի Խորհրդարանական վեհաժողովի նստաշրջանում այսօր քննարկվել է Հայաստանի դեմ Ադրբեջանի վերջին ագրեսիան։ Մասնավորապես, Իռլանդիայից պատգամավոր Փոլ Գավանն իր ելույթում հայտարարել է, որ սեպտեմբերի 12-ին Հայաստանի տարածքում տեղի են ունեցել ռազմական գործողություններ Հայաստանի և Ադրբեջանի Զինված ուժերի միջև։ Նա ընդգծել է, որ հատկանշական է՝ դրանք տեղի չեն ունեցել ԼՂ-ում, այլ Հայաստանի տարածքում։
Գավանը ներկայացրել է ՀՀ ԱԽ տվյալները ադրբեջանական կողմի հարձակման հետևանքով զոհերի, վիրավորների, քաղաքացիական ենթակառուցվածքների, խաղաղ բնակչությանը հասցված վնասների մասին։
«Մենք պետք է հստակ լինենք, որ անընդունելի է մի երկրի ներխուժումը մյուս երկիր սուվերեն տարածք։ Ադրբեջանն օկուպացրել է Հայաստանի տարածքները, ինչն անընդունելի է»,- հայտարարել է իռլանդացի պատգամավորը։
Նա նաև խոսել է Ադրբեջանի Զինված ուժերի ռազմական հանցագործությունների մասին, որոնք տեղի են ունեցել ՀՀ տարածքում, մասնավորապես՝ հայ 7 զինծառայողների մահապատիժն ու կանանց մարմինների խոշտանգումները։ Գավանը նշել է, որ դիտել է այդ սարսափելի տեսանյութերը՝ հավելելով, որ դրանք ստուգված են և նոր տեսանյութեր են, և որ Ադրբեջանը պարտավորվել է հետաքննել։
Գավանը նաև շեշտել է, որ ԵԽ անդամ պետությունների համար ուժի կիրառումն անընդունելի է։
Էմմա Չոբանյան
