20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Հոգեբանական աջակցություն ցուցաբերվել է շատ քիչ անձանց․ պետությունն ինքը պետք է գտներ այդ մարդկանց․ Արմինե Սադիկյան․ ՏԵՍԱՆՅՈՒԹ
10.10.2022 | 14:51
ՀՔԱՎ գրասենյակը Բաց հասարակության հիմնադրամների աջակցությամբ և Մեդիա կենտրոնի հետ համագործակցությամբ նախաձեռնել է «Հոգեկան առողջությունը՝ ճգնաժամային իրավիճակներում» թեմայով քննարկում՝ այս խնդիրների վրա ևս մեկ անգամ ուշադրություն հրավիրելու և հնարավոր լուծումներ գտնելու նպատակով։
«2020 թվականին սանձազերծված պատերազմը և դրանից հետո ստեղծված իրավիճակը, նաև այս տարվա սեպտեմբերի 13-ին սկսված մի քանի օրվա պատերազմական գործողությունները շատ ծանր հոգեվիճակի են հասցրել լայն հանրությանը, հատկապես այդ պատերազմական գործողություններից ուղղակիորեն տուժածներին՝ զինծառայողներին, անհետ կորած անձանց, գերեվարվածներին, ինչպես նաև նրանց ըտանիքի ադամներին»,- քննարկման ժամանակ այս մասին նշեց ՀՔԱՎ պաշտպանության և անվտանգության բնագավառի նկատմամբ քաղաքացիական վերահսկողության բաժնի համակարգող Արմինե Սադիկյանը։
2021 թվականին ՀՀ Գլխավոր դատախազությունը հաղորդագրություն է տարածել, որ պատերազմական գործողություններից հետո ինքնասպանության փորձերի աճ է գրանցվել։
Ընդգծելով պետական ծրագրերի կարևորությունը՝ Սադիկյանը հայտնեց, որ շատ քիչ անձանց է հոգեբանական աջակցություն տրամադրվել․ Մինչդեռ հատվածային մոտեցումը չի կարող հարցին լուծում տալ․ պետությունն ինքը պետք է գտնի այդ մարդկանց և աջակցություն ցուցաբերի։
Սադիկյանի խոսքով՝ ՀՔԱՎ ներկայացուցիչները հանդիպել և ուսումնասիրություն են կատարել անհետ կորած 104 անձանց ընտանիքների հետ, և պարզվել է, որ ընդամենը 4-ն են առնչվել հոգեբանական աշխատանքի հետ։
ՀՀ ՊՆ-ից հայտնել են, որ մինչև 2021 թվականի կեսերը հոգեբանական աջակցություն է ցուցաբերվել առնվազն 6000 հոգու, սակայն մանրամասներ չեն հայտնել, թե շահառուների և մասնագետների ընտրանքն ինչպես է կատարվել։
Մանրամասները՝ տեսանյութում։
