17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Ադրբեջանի Մեջլիսի պատգամավորներն առաջարկում են երկրի դրոշին Հեյդար Ալիևին պատկերել՝ լուսնի և աստղի փոխարեն
Քաղաքականություն
10.10.2022 | 22:30
Ադրբեջանի Միլի Մեջլիսի պատգամավոր Բահրուզ Մագերամովը հերթական յուրատեսակ առաջարկով է հանդես եկել, որը սոցցանցերի ադրբեջանական տիրույթում քննարկումների առիթ է դարձել։ Մասնավորապես, տեղական լրատվականների հաղորդմամբ, Մագերամովն առաջարկել է երկրի դրոշին գործող նախագահ Իլհամ Ալիևի հոր՝ նախկին նախագահ Հեյդար Ալիևին պատկերել։
«2023 թվականը Հեյդար Ալիևի տարի հայտարարելը բխում է ժողովրդի շահերից։ Նման տարում, կարծում եմ, տեղին է նախաձեռնությունը, որն անցյալ տարի իմ գործընկեր Էլման Նասիրովն էր արտահայտնել։ Հիշեցնեմ, պարոն Էլմանը առաջարկել էր մեր եռագույն դրոշից հեռացնել լուսինն ու աստղը, փոխարենը պատկերել մեծ առաջնորդի կերպարը։ Ես աջակցում եմ պատգամավորի այդ նախաձեռնությանը, հուսով եմ՝ մյուս պատգամավորները կմիանան այս նախաձեռնությանը»,- ասել է Մագերամովը։
Հավելենք, որ Իլհամ Ալիևի՝ օրերս ստորագրած հրամանով 2023 թվականը երկրում հայտարարվել է Հեյդար Ալիևի տարի, որին դեմ են հանդես եկել ընդդիմադիր գործիչները։
Էմմա Չոբանյան
