17.01.2026 | 17:59
Քննարկվել են Հայաստանի տեխնոլոգիական և թվային ապագայի զարգացման խնդիրներն ու հեռանկարները
ՄԱԿ-ի գլխավոր քարտուղարն առաջարկում է զինված առաքելություն ուղարկել Հայիթի
Քաղաքականություն
10.10.2022 | 16:59
Միավորված ազգերի կազմակերպության (ՄԱԿ) անդամ մեկ կամ մի քանի երկրներ կարող են հավաքել «արագ արձագանքման ուժերի» հատուկ խումբ և ուղարկել այն՝ օգնելու Հայիթիի ոստիկանությանը վերացնել զինված տեղական ավազակախմբերը: Համապատասխան առաջարկը ՄԱԿ-ի գլխավոր քարտուղար Անտոնիո Գուտերեշն ուղարկել է Անվտանգության խորհրդին, գրում է Reuters-ը:
Ըստ լրատվամիջոցների՝ Գուտերեշն առաջարկում է, որ հատուկ խումբը հավաքի ոչ թե ՄԱԿ-ը, այլ առանձին երկրներ, իսկ Խորհուրդը պետք է միայն աջակցի այս որոշմանը։ Հայիթիի ոստիկանությանն օգնելու համար ուժեր ուղարկելը ցույց կտա, որ ՄԱԿ-ն ի վիճակի է պահպանել հրադադարը տարբեր տարածքներում կամ ապահովել մարդասիրական միջոցառումների իրականացումը, ինչպես նաև տեղական ուժերի համակարգումը միջազգային կազմակերպությունների հետ:
ՄԱԿ-ի գլխավոր քարտուղարը կարծում է, որ «արագ արձագանքման ուժերը» կօգնեն ապահովել վառելիքի, խմելու ջրի, սննդի և դեղամիջոցների անվտանգությունը Հայիթիի մայրաքաղաք Պորտ-օ-Պրենսի տրանսպորտային հանգույցներից հեռավոր շրջաններ և բժշկական հաստատություններ ուղարկելու ժամական, իսկ բուն առաքելությունը կծավալվի երկրում իրավիճակի բարելավմանը զուգընթաց։ Նախկինում Հաիթիում ներկա էին խաղաղապահներ, իսկ հետո նաև ՄԱԿ-ի ոստիկանությունը, սակայն կազմակերպությունը 2019 թվականին դուրս բերեց այդ ստորաբաժանումները Կենտրոնաամերիկայի հանրապետությունից։
Հոկտեմբերի սկզբին Հայիթիի իշխանությունները հայտարարեցին, որ դիմելու են այլ երկրների և խնդրելու են օտարերկրյա հատուկ ջոկատների օգնությունը՝ լուծելու ճգնաժամային իրավիճակը, որն առաջացել է այն պատճառով, որ տեղական զինված խմբավորումները կոալիցիա են կազմել և արգելափակել են հանրապետության հիմնական նավահանգիստը։
Ավազակային խմբավորումները նաև վնասել են սոցիալական ծառայությունների ավտոմեքենաները, իսկ երկրի ձեռնարկություններին ու հիվանդանոցներին՝ ստիպել դադարեցնել աշխատանքը:
Տաթև Ֆռանգյան
