09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
Կիևում եվրահանձնակատարը ևս ստիպված է եղել պատսպարվել օդային հարձակման պատճառով
Քաղաքականություն
10.10.2022 | 13:23
Իրավաբանական հարցերով եվրահանձնակատար Դիդյե Ռեյնդերսը, որը գտնվում է Կիևում ստիպված է եղել ապաստարան իջնել օդային տագնապի պատճառով։ Վերջինս այս մասին հայտնել է Twitter-ի իր էջում։
«Այսօր առավոտյան օդային տագնապ էր տրվել առավոտյան ժամը վեցին, այնուհետև ժամը ութին հնչել են առաջին պայթյունները, մեզ խնդրել են անձնակազմի և այլ հաճախորդների հետ միասին իջնել հյուրանոցի ստորգետնյա տարածք»,- գրել է նա։ Եվրահանձնակատարը հավելել է, որ Կիևում ուկրաինական ուժերի և եվրոպական ներկայացուցչության ծառայությունների պաշտպանության ներքո անվտանգ է։
Ավելի վաղ Վլադիմիր Զելենսկին հայտնել էր, որ Ուկրաինայի ողջ տարածքում օդային տագնապի ազդանշաններ են տրվել, եղել են հրթիռային հարվածներ։ Ուկրաինական լրատվամիջոցները, իշխանություններն ու ականատեսները հայտնում են պայթյունների մասին Կիևում, Ժիտոմիրում, Խարկովում, Դնեպրոպետրովսկում, Լվովում, Իվանո-Ֆրանկովսկում։
Կիևի մետրոյի բոլոր գծերով գնացքների շարժը դադարեցվել է, կայարանները ծառայում են որպես պատսպարաններ։
Տաթև Ֆռանգյան
