27.02.2026 | 18:18
Օջալանը նոր ուղերձ է հղել՝ նշելով, որ խաղաղության գործընթացում անհրաժեշտ են օրենքներ
«Նրանք փորձում են մեզ ոչնչացնել և ջնջել աշխարհի երեսից». Զելենսկի
Քաղաքականություն
10.10.2022 | 13:07
Ուկրաինայի նախագահ Վլադիմիր Զելենսկին Ռուսաստանին մեղադրել է խաղաղ բնակչության դեմ պատերազմելու մեջ։
«Լայնամասշտաբ պատերազմի 229-րդ օրը մեզ փորձում են ոչնչացնել և երկրի երեսից ջնջել, ընդհանրապես ոչնչացնել Զապորոժիեում տանը քնած մեր ժողովրդին, սպանել մարդկանց, ովքեր գնում են աշխատանքի Դնեպրում և Կիևում»,- գրել է Զելենսկին Telegram-ում։
Նախագահը հայտնել է, որ հրթիռակոծություններն ու հրետակոծություններն ընդգրկում են ողջ Ուկրաինայի տարածքը։
«Հրթիռային հարվածներ կան։ Ցավոք, կան զոհեր և վիրավորներ։ Աղաչում եմ՝ մի՛ լքեք պատսպարանները։ Հոգ տարեք Ձեր և Ձեր ընտանիքի մասին։ Դիմացե՛ք և ամո՛ւր եղեք»,- գրել է Ուկրաինայի նախագահը։
Ուկրաինայի նախագահը նշել է, որ օդային տագնապի ազդանշան է տրվել ողջ Ուկրաինայի տարածքում։
Տաթև Ֆռանգյան
