20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ՄԱԿ-ի Մարդու իրավունքների խորհուրդը կուսումնասիրի ՌԴ-ում իրավիճակը․ ինչպես է քվեարկել Հայաստանը
Քաղաքականություն
07.10.2022 | 19:43
Ժնևում այսօր ՄԱԿ-ի Մարդու իրավունքների խորհրդի նիստում որոշվել է նշանակել հատուկ զեկուցող, որը զեկույց կպատրաստի Ռուսաստանի Դաշնությունում մարդու իրավունքների իրավիճակի վերաբերյալ։ Համապատասխան բանաձևին կողմ է քվեարկել 17 երկիր, այդ թվում՝ Գերմանիան, դեմ՝ 6-ը, ձեռնպահ են եղել 24-ը, այդ թվում՝ Հայաստանը, գրում է DW-ի ռուսական ծառայությունը։
Բանաձևին դեմ են քվեարկել Չինաստանը, Բոլիվիան, Էրիթրեան, Ղազախստանը, Կուբան և Վենեսուելան։
Արևմտյան գրեթե 25 երկրների նախաձեռնությամբ ընդունված բանաձևը խորը մտահոգություն է արտահայտում Ռուսաստանում խոսքի և հավաքների ազատության սահմանափակումների, լրագրողների, փաստաբանների և ընդդիմադիր գործիչների ահաբեկման, կառավարության քննադատների արտադատական սպանությունների, կամայական կալանավորումների և արդարության բացակայության կապակցությամբ։ Փաստաթուղթը կոչ է անում Ռուսաստանին երաշխավորել մարդու հիմնական իրավունքները, այդ թվում՝ խոսքի ազատությունը։
Ռուսաստանի հարցով հատուկ զեկուցող դեռևս չի նշանակվել։ Նշվում է, սակայն, որ նա ուսումնասիրելու է Ռուսաստանում մարդու իրավունքների հետ կապված իրավիճակը և մեկ տարի հետո ՄԱԿ-ի Մարդու իրավունքների խորհրդին եզրակացություններ և առաջարկություններ է ներկայացնելու։
Էմմա Չոբայան
