06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ԿԸՀ անդամի թեկնածուն զավեշտալի դեպք հիշեց․ ՏԵՍԱՆՅՈՒԹ
Քաղաքականություն
07.10.2022 | 16:48
ԱԺ արտահերթ նիստում պատգամավորները քննարկում են Կենտրոնական ընտրական հանձնաժողովի նախագահի և անդամների ընտրության հարցը:
ԿԸՀ-ի անդամի թեկնածուների թվում է նաև ԿԸՀ երկարամյա անդամ Սիլվա Մարկոսյանը։
«Քաղաքացիական պայմանգիր» խմբակցության պատգամավոր Հերիքնազ Տիգրանյանը, դիմելով Սիլվա Մարկոսյանին, հետաքրքրվեց, թե որպես մեծ փորձառություն ունեցող ԿԸՀ անդամ, ինչ է կարծում՝ տարիների ընթացքում վարչարարության կամ ընտրությունների կազմակերպման բարելավումն ինչի՞ արդյունք է։
Մարկոսյանը պատասխանեց, որ վարչարարության կամ ընտրությունների կազմակերպման բարելավումը և՛ օրենսդրական բարեփոխումների և ԿԸՀ աշխատանքի արդյունք է։
«Մի զավեշտալի դեպք կարող եմ պատմել, երբ որ տարիներ առաջ Երևանի տեղամասերից մեկում քվեաթերթիկ մարելով՝ իսկապես վառել էին քվեաթերթիկը, հետո մարել, հիմա կարող եք այդ տարբերությունը տեսնել և համոզվել, որ բավականին առաջընթաց կա»,- նշեց Մարկոսյանը։
