18.08.2026 | 20:13
Գալյանն ու ԱՄՆ գործերի ժամանակավոր հավատարմատարը քննարկել են բարեփոխումների օրակարգը
Վրաստանը պատասխանել է Ալիևին. պատրաստ է ցանկացած պահի երկխոսություն կազմակերպել Բաքվի և Երևանի միջև
Քաղաքականություն
07.10.2022 | 18:07
Հայաստանն ու Ադրբեջանը կարող են օգտագործել Թբիլիսիի հարթակը խաղաղ կարգավորման բանակցությունների համար: Այս մասին հոկտեմբերի 7-ին հայտարարել է Վրաստանի արտգործնախարար Իլյա Դարչիաշվիլին, գրում է EADaily-ն։
Հինգշաբթի Պրահայում Եվրոպական քաղաքական համայնքի առաջին հանդիպման շրջանակում Ադրբեջանի նախագահ Իլհամ Ալիևը նշել էր Հարավային Կովկասում խաղաղություն և կայունություն ապահովելու համար Բաքու-Թբիլիսի-Երևան հարթակի ստեղծման կարևորությունը: Այս ձևաչափով Ադրբեջանի ղեկավարն առաջարկել է քննարկել էներգետիկայի, կապի և փոխադարձ հետաքրքրություն ներկայացնող տարբեր խնդիրներ։
«Թբիլիսին պատրաստ է լինել այն վայրը, որտեղ մեր հարևանները կարող են հանգիստ և խաղաղ երկխոսություն վարել՝ տարածաշրջանում խաղաղություն և կայունություն հաստատելու բանակցություններից կոնկրետ արդյունքներ ստանալու համար»,- ասել է Դարչիաշվիլին։
Հիշեցնենք, որ հոկտեմբերի 6-ին Պրահայում տեղի են ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի բանակցությունները։ Նրանց հաջորդ հանդիպումը նախատեսված է նոյեմբերին Բրյուսելում։
Տաթև Ֆռանգյան
